Ginpaathag it Department of Education nga gina-imbestigahan eon nanda ro mga ginapatihan nga “food-borne illnesses” nga gina-alegar nga tuga it kontaminadong gatas nga ginapanupod sa mga eskwelahan sa Negros Oriental.
Ginpahayag it departamento nga nakipag-angot eon sanda sa local government unit it Sta. Catalina, Negros Oriental, pati eon man sa National Dairy Authority ag mga natungdan nga ahensya it gobyerno para sa imbestigasyon ag pag-usisa it mga sample it gatas.
Kapin sa 100 estudyante sa Sta. Catalina, Negros Oriental ro na-ospital matapos nga mag-inom it preskang gatas nga gin-rasyon halin sa DepEd.
Base sa inisyal nga imbestigasyon it pulisya, ginpahayag it district supervisor nga nagsuka ro mga biktima ag ro pila kanda hay gindaea sa ospital pilang oras matapos mag-inom it gatas halin sa Negros Oriental School Division Office.
Owa man it naireport nga namatay halin sa insidente.
