Nakit-an ro ginapatihan nga shabu ukon methamphetamine ag cocaine sa eawas it 31 anyos nga dating miyembro it One Direction nga si Liam Payne base sa nagguwa nga inisyal nga resulta it ginpatigayon nga toxicology tests.
Madumduman nga namatay si Payne matapos mahueog maghalin sa ikatlong panaegan it balcony it anang kwarto sa CasaSur Palermo Hotel, Buenos Aires, Argentina ko Oktubre 16.
Base sa autopsy nga ginpatigayon kay Payne, ro droga nga ginamit sigon it British singer hay gintawag nga ‘pink cocaine’ kon sa siin may sueod raya nga methamphetamine ukon shabu, ketamine, Methylenedioxymethamphetamine (MDMA) ukon ecstasy, Crack cocaine ag benzodiazepine.
Sa naunang imbestigasyon it mga awtoridad, nakit-an ro ginapatihan nga improvised aluminum pipe sa kwarto ni Payne nga ginamit sigon it British pop star para mag-ingests it droga.
Nauna eon man nga naireport nga nakit-an sa kwarto ni Payne ro mga basag nga gamit kon sa siin nakit-ang may nakatungtong sa lamesa kara nga aluminum foil ag lighter.
Ginsalarawan it Prosecutor ro nakit-ang substance bilang ‘narcotics ag alcoholic beverages’
Duda it mga lokal nga awtoridad nga may sangka empleyado it hotel ro nagtao it iligal nga droga kay Payne.
Uwa man gin-aresto ag uwa eon gintaw-an it nagakaigong charges ro nasambit nga indibidwal.
