Kalibo Aklan ——–Posibleng indi eon makaangkon it extension ro ginapatuman nga granular lockdown sa Purok 12, Oyotorong St. Kalibo .
Raya ro ginpahayag ni Barangay Kagawad Mark Sy it Poblacion Kalibo.
Suno kana nga sa nagtaliwan nga pitong adlaw hay nakalista gihapon it mga nagpositibo sa sakit , apang kaabuan sa mga raya hay close contact it mga covid positive .
Owa suno kana it nailistang kaso nga unknown exposure.
Plano sigon nga magapatuman eon lang it surgical lockdown sa mga baeay nga nakaangkon it kaso it covid.
Sa pihak kara, hugut sa gihapon nga igapatuman ro social distancing, pagsuksok it facemask ag face shield kamana man nga indi magpinanaw agud nga ma-kontrol ro pagtaeapnan .
Sa pihak nga parte, ginapatutukan ni kagawad mark sy ro napabalita nga pilang mga residente nga bukon man it essential worker ro nagasueod-guwa sa gin lockdown nga lugar.
Mag-eowas kara, may mga nakaka-eusot man nga aeak kun sa siin ro pag-inuman hay gina-post pa sa social media.
Samtang, pagadesisyunan suno kana it Municipal Inter-agency Task Force ro andang magiging rekomendasyon sa nasambit nga lugar sa miyerkules nga adlaw.
Ro granular lockdown sa Purok 12 hay nakataeanang magatapos sa Hulyo 29.
