-- ADVERTISEMENT --
Gina-imbestigahan eon it Philippine Competition Commission ukon PCC ro gina-alegar nga kartel sa nasyon it mga basic commodities partikular ro sibuyas.
Raya ro ginpahayag ni PCC Chairperson Atty. Michael Aguinaldo sa pagpamati it House Committee on Agriculture and Food angot sa hoarding ag manipulasyon it mga produktong agrikultural eabi eon ro sibuyas.
Nagapati man si Aguinaldo nga mabahoe ro posibilidad nga may una nga kartel nga naga-operate sa nasyon
bangud nga nagapabilin nga mataas ro presyo it pilang nagapangunang baeak-eon maskin nga may bastante nga ani ukon suplay halin sa atong mga mangunguma ag may una man nga nagsueod nga importation.
