Gin-insister it Department of Health ukon DOH region VI nga uwa it dapat nga kabaeak-an ro mga ginikanan sa ginata-o nga bakuna sa andang mga inonga.
Raya hay kasunod sa pag-arangkada it nationwide supplemental vaccination nga Chikiting Ligtas 2023.
Suno kay Dr. Adriano Subaan, regional director it DOH region VI nga uwa sanda naila nga makaangkon it outbreak it sakit nga tigdas, rubella ag polio rason nga ginaimplementar ro nasambit nga programa bangud nga ro nasambit nga mga sakit hay pwedeng malikawan pinaagi sa bakuna.
Kinahang-ean suno kana nga maabot ro 95 porsyento nga target numbers it mga nabakunahan nga mga inonga.
Raya hay agud nga malikawan ro pag-angkon it outbreak bangud nga kon inde maabot ro nasambit nga porsyento hay kon may magkasakit it tigdas, rubella ag polio hay posibleng madasig ro magiging transmission it virus.
