KALIBO, Aklan–Bukon eon it bag-o sa mga negosyante ro assessment nga ginpaguwa it Mines and Geosciences Bureau (MGB) it Department of Environment and Natural Resources (DENR) nga ginatos ka mga sinkholes ro andang nadiskubrehan sa isla it Boracay sa ginpatigayon nga survey ag hazzard mapping it ahensya.
Paathag ni Elena Brugger, consultant it Philippine Chamber of Commerce Industry ukon PCCI Boracay nga ro nasambit nga datos hay aware eon sanda ko nagtaliwan nga tatlong dag-on pa sa kasagsagan it pagpasarado sa isla sa termino ni dating Pangueong Rodrigo Duterte.
Ginpahayag dugang nga mas mayad ro ginhimo it Mines and Geosciences Bureau bangud nga may mapa sanda nga ginpresentar sa LGU agud nga masayuran kon sa siiin pwede ag inde pwede magpatindog it istraktura.
Gin-insister dugang ni Brugger nga sayod sigon kara ro LGU bangud nga ginhimo ro pagsurvey ko 2018 ag insigida nga ginpaguwa it ahensya ro andang report agud nga maimpormahan ro lokal nga gobyerno it Malay.
Madumduman nga sa pinakaulihing datos it MGB, nagaabot eon sa 815 ro nakit-an nga sinkholes sa isla it Boracay.
