KALIBO, Aklan—Magiging inutil eon ro gindihon nga Petition for Habeas Corpus it kampo ni dating Pangueong Rodrigo Duterte sa Korte Suprema bangud nga ginbiyahe eon raya paagto sa The Hague, Netherlands.
Suno kay Atty. Plaridel Morania, batikang abogado sa Aklan nga raya hay bangud nga owa it hurisdiksyon ro Supreme Court it nasyon nga magpapanaog it anuman nga mandu sa International Crimimal Court ukon ICC partikular ro pagpabalik sa nasyon sa dating pangueo.
Dugang pa nana nga matsa masyadong ginmadali ro pagdaea kay Duterte sa ICC headquarters kun sa siin nag abot pa sa punto nga ginpilit imaw nga magsakay sa eroplano.
Maskin sigon ro administrasyong Marcos hay napas-eawan nga maghimo it nagakaigo nga aksyon agud nga baeabagan ro pag-aresto bangud sa ginapahayag nanda nga maskin nga bukon eon it miyembro it ICC ro Pilipinas apang may saeabton ukon obligasyon sanda sa Interpool.
Kon paga-isipon suno kay Atty. Morania hay owa man it koneksyon ro Interpool sa mga kasong ginahaboy kontra kay Duterte.
Bangud kara makabig suno kana nga owa nasunod ro due process of law sa pag-aresto sa dating pangueo.
Samtang, nagakapa man sigon ro gobyerno it pilipinas makaron kon ano ro dapat nga obrahon bangud nga raya ro unang kahigayunan nga nakaangkon it makarondaya nga kaso ro nasyon sa Rome Statute.
Nasayuran nga si Duterte hay nagapangatubang sa kasong “crime against humanity” bangud sa brutal nga anti-narcotics campaign it anang administrasyon samtang presidente ag sa extrajudicial killings sa Davao City kat mayor pa imaw it siyudad.
