Kalibo, Aklan- Naghiwat it marathon bilang parte it closing ceremony it Paris Olympics 2024. Raya ro pahayag ni Bombo International Correspondent Maryden Araneta sa Paris France.
Strikto man ro ginapatuman nga seguridad it gobyerno it Paris, France sa ginhiwat nga closing ceremony it Paris Olympics 2024. Ginhiwat ro closing ceremony sa Stade de France kun siin limitado ro magiging audience kumpara ku opening ceremony ag raya hay may kaeakip nga ticket nga nagakahaega it 600 euros.
Gin pahauman gid raya it mga performance dancer, acrobats, circus dancers ag organizers kun siin may mga sikat man nga personalidad nga nag-perform. Tanan nga gusto magpalitrato sa mga atleta hay nagdangop sa Champion’s Park.
Samtang, nag-eutaw gid ro pangaean ni Stephen Curry sa pagdaog it sa USA Men’s Basketball kontra France. Dugang pa Araneta nga napabilib man imaw ku mga atleta it Pilipinas bangud nga bisan maisot eamang ro nasyon hay uwa nagpa-ulihi kun siin nga gapati imaw nga raya hay sangka experience sa mga atleta para magbawi sa masunod.
sa pagpakigbahin ni Araneta nga nangin manami ag bilib man imaw sa nangin performance nanday Bianca Pagdanganan ag Dottie Ardina ro Filipina golfers it nasyon. Apisar sigon nga nangin isyu ro ginpaguwa nga video ni Ardina parte sa kakueangan it uniform.
Malipayon man si Araneta sa anang mga hinimuan bilang sangka international correspondent it Bombo Kalibo sa Paris, France ag maabo ro anang natun-an sa sports ag anang nasayuran ro mga trabaho it sangka media.
Masayuran nga igapasa eun man ro Olympic Torch sa masunod nga magahost it Olympics sa Los Angeles.
