KALIBO, Aklan—Ginkumpirma it Tourism Infrastructure and Enterprise Zone Authority ukon TIEZA nga maatrasar pa ro petsa antes nga matapos ro andang proyekto nga drainage system sa isla it Boracay.
Apang ginpasiguro it pamunuan it TIEZA nga pagatapuson nanda ro proyekto sa oras nga makabangon ro nasyon halin sa epekto it COVID-19 pandemic.
Madumduman nga gintau anay it Department of Tourism (DOT) ro kapin sa P12 billion nga pondo it Tieza agud nga magamit sa Bayanihan 1 Covid-19 effort.
Suno pa sa TIEZA nga natigayon eon nga matapos ro Phase I it two-phase, four-stage drainage expansion project ko 2014 sa balor nga P91.8 million.
Ro Phase II hay may nakataeana nga pondo nga P1 billion nga may bag-ong target nga completion date nga December 2021 halin sa orihinal nga abril 2020.
Ro “pumping Station 2 ag 3 sigon hay naga-operate eon nga nakabulig it mabahoe agud nga mapahagan-hagan ro epekto it pagbaha sa isla.
Ro iba pang proyekto it TIEZA hay ginaeakipan it construction it Pumping Station 4, sea outfall pipeline, upgrade it main road drainage, interior drainage, ag iba pa.
