KALIBO, Aklan—Kabilugan nga naging madinaeag-on ro ginlatag nga seguridad it Makato Municipal Police Station sa ginpatigayon nga Western Visayas Regional Athletic Association ukon WVRAA Meet 2023 kon sa siin sa Aklan Sports Complex sa Brgy. Calangcang ginpatigayon ro opening ceremony ag ro kaeabanan sa mga hampang nga nag-umpisa ko Abril 26 ag nagtapos makaron nga adlaw it dominggo Abril 30, 2023.
Suno kay PCapt. Merrefiene Carissusa, hepe it Makato PNP Station nga uwa sanda it nailista nga crime incident mag-eowas eon lang sa mga narespondehan nga nahihilo bangud sa tuman nga kainit it panyempo nga gilayon man nga naeapatan it medikasyon it naka-standby nga medical emergency response unit.
Ginpahayag dugang nga sandig man sa assessment it Department of Education ukon DepEd hay kontento ro mga raya sa seguridad nga andang ginprovide maghalin sa opening hasta gid sa natapos makaron nga adlaw ro regional sporting events.
Ko unang adlaw eamang sigon kat nagbug-at ro daeagan it trapiko apang gilayon man raya nga nasolusyunan.
Sa pihak kara, eubus man ro pasaeamat ni PCapt. Carissusa sa andang mga naging counterpart sa pag-abot sa seguridad ag iba pang trabaho nga gintaeana kanda.
