KALIBO, Aklan—Owa it dapat nga ikabaeaka ro mga residente ag mga turista sa isla it Boracay kasunod it gulping pagtaas it kaso it coronavirus disease (Covid-19).
Suno kay Malay mayor Frolibar Bautista nga bangud nga required sa mga turista nga magpakita it negatibong resulta it RT-PCR tests hay owa it dapat nga ikabaeaka kara ro mga residente.
Kadungan kara, ginduea man nana ro kahadlok it mga turista sa paglobo it kaso it deadly virus.
Suno kana nga ro mga residente it Brgy. Balabag nga ginpaidaeum sa ECQ ag daywang purok sa Brgy. Manocmanoc nga ginbutang sa surgical lockdown hay ginmanduan nga magpabilin sa andang baeay.
Tanan man sigon nga mga nag positibo sa sakit hay naka quarantine facility eon sa banwa it Kalibo rason nga kontrolado eon ro sitwasyon.
Ginklaru dugang ni Mayor Bautista nga ginapasugtan nga magpaligos sa baybay ro mga turista mag-eowas sa mga residente nga apektado it lockdown.
Agud nga matapna ro pagkalhit pa it sakit, bawae anay sigon makaron nga mag operate ro mga bars kamana man ro mga live entertainment kapareho it mga banda ag mga live shows sa mga restaurants ag food parks.
Mag-eowas kara, uman nga ginpaeawig ro curfew sa isla umpisa alas-11 it gabi-I hasta alas – 4 it aga-aga.
Nauna kara, ginpahayag nga bangud sa insidente, maabu nga mga turista halin sa mainland Aklan ag isla it Panay ro nagkansela it andang biyahe para sa longweend sa selebrasyon it semana santa.
Raya hay sa pihak nga nakabayad eon snada it down payment ag full payment sa hotel nga paga-istaran.
