Patay ro 88-katawo, kaibahan ro 11 ka mga kababayin-an ag mga onga bangud sa ginpatigayon nga air strike it Israel sa Northern Gaza.
Ro nagalala nga kinagamo hay ginakabaeak-an it United Nations para sa kaeowasan it 100,000 nga mga palestino nga presenteng idto sa Northern Gaza.
Ginakabaeak-an man it mga director sa sangka hospital ro kalisod it mga raya nga boengon ro pilang mga nainjured kasundo it pagkaubos it mga health workers sa lugar.
Madumduman nga pilang dominggo eon nga ginabomba it Israel ro Gaza sa pag-usoy sa mga militanteng Hamas kon sa siin naireport nga nagka watak-watak ro mga raya halin kat nakaangkon it gyera sang dag-on eon ro nakataliwan.
Sa datos it Health Ministry sa Gaza, 70-katawo ro namatay ag 23 ro presenteng ginausoy pa sa banwa it Gaza sa Beit Lahiya.
Gin-akusahan it Israel ro United Nations Relief and Works Agency for Palestine Refugees in the Near East (UNRWA) nga ginagamit sigon it mga militanteng Hamas ro pasilidad it United Nation bilang shield sa andang mga aktibidad.
Nagpromisa si Israeli government spokesperson David Mencer nga padayon raya nga magabulig sa mga naapektuhan sa Gaza.
