KALIBO, Aklan–Madinaeag-on nga ginpatigayon it Commission on Elections (COMELEC)Aklan ro final testing and sealing it mga vote counting machine ukon VCM kainang agahon sa Kalibo Elementary School.
Nagpaidaeom man sa diagnostic testing ro mga VCM kung siin pagatestingan ro kapasidad it mga nasambit nga VCM partikular kung insakto kara ro pagbasa sa mga balota.
Suno kay Abe Joy Isaran, School Principal II it Kalibo Elementary School nga owa it nabaton nga reklamo ro andang taeatapan sa ginpatigayon nga final testing and sealing sa bilog nga 7 clustered precincts sa eskwelahan.
Insakto nga 11:55am sigon hay natapos eon ro pagtesting ag pagplastar sa mga VCM.
Samtang,ginaeuman man nga maabot sa kapin 5000 nga mga botante ro magaboto sa nasambit nga eskwelahan.
Sa pihak nga parte,ro mga VCM hay gintago anay sa isolation room it eskwelahan asta sa mismong adlaw it eleksyon kung siin pagasikyaron man it PNP ro seguridad it mga VCM ag iba pang election paraphernalias.
