KALIBO, Aklan–Ginpahayag it sangka batikan nga abugado sa probinsya it Aklan nga may kinamatarong ro ap-at ka mga Presidentiables nga magpatigayon it joint press conference bangud ro Pilipinas hay una sa idaeum it demokrasiya nga pagdomaeahan.
Suno kay Atty. Plaridel Morania nga dapat eamang nga maging responsable ro kada isaea sa mga ginabuhian nga tinaga bangud ro makarondaya nga hampang hay sambilog eamang ro katuyuan ag imaw hay ro kamaeayran it publiko.
Samtang, gin-insister pa kara nga indi dapat magmando ro iba pang mga presidentiables nga mag-withdraw eun lang si Vice President Leni Robredo bagud kinamatarong man nana nga panindugan ro anang kandidatura.
Madumduman nga kahapon hay nagpatigayon it joint press conference ro pilang ka mga presidentiables nga ginakaeakpipan nanday Manila Mayor Isko Moreno, Senator Ping Lacson, Norbeto Gonzales , kaibahan si Senator Manny Pacquiao nga owa eun nakaabot apang nakaibahan sa andang ginpaguwa nga official statement.
Idto man ro presensiya nanday vice presidential candidate Tito Sotto ag Doc Willie Ong.
