KALIBO, Aklan–Naging madinaeag-on ro ginpatigayon nga transportation and security simulation drill nga gin-organisa it lokal nga gobyerno it Kalibo.
Suno kay Terrence jun Toriano, head it Municipal Disaster Risk Reduction and Management Office ukon MDRRMO-Kalibo nga nagbuhay eamang it 5 minutes and 49 secconds ro kadasig it andang dry-run sa pag-transport it mga COVID-19 vaccines halin sa kalibo intermational airport paagto sa kalibo birthing facility sa N Roldan St. kalibo nga gintaeana nga cold chain storage.
Raya hay mas matag-od kaysa sa andang target time nga 10 to 20 minutes.
Gindugang pa ni Toriano nga tuyo it aktibidad nga usisaon ro kahauman it LGUKalibo sa pagbiyahe it mga maga-abot nga bakuna.
Kaibahan sa simulation exercises ro Department of Health ag ro Philippine National Police.
Nagpakita man suno kana it kooperasyon ro publiko pinaagi sa pagpabinit ag pagpundo it andang saeakyan sa pag-agi it emergency vehicle.
Matsa naging actual sigon ro drill bangud nga gintiempo raya nga may eroplano para masukat ro oras it pagsueod it mga saeakyan sa tarmac hasta sa pagsakay it bakuna sa saeakyan ag pagbiyahe kara paagto sa storage facility.
Maskin suno kana nga madinaeag-on ro drill hay magadepende pa raya sa actual nga pag-abot it bakuna eabi eon kon igapa-agi raya sa siyudad it Iloilo.
Apang ro magiging diperensiya suno kana engkaso nga ipaagi raya sa iloilo hay ro travel time pero pareho man gihapon ro proseso.
Kaibahan sa convoy ro security, ambulansiya ag transport vehicle.
