Ginpatigayun nga End term national assembly it mga bise gobernador sa Boracay, naging madinaeag-on

KALIBO, Aklan–Naging madinaeag-on ro ginpatigayun nga 87^th end term national assembly it mga bise gobernador sa isla it Boracay ko Mayo 26 hasta 28, 2022.

Suno kay Aklan Vice Governor Atty. Reynaldo “Boy” Quimpo ag Chairman it League of the Vice Governor of the Philippines nga gintambungan it kapin sa 36 nga mga bise gobernador ro ginhiwat nga tatlong adlaw nga assembly.

Pila sigon sa mga naging topiko hay ro pag-re-introduce sa Boracay ag economic recovery pinaagi sa turismo.

Naimbitahan man bilang resource speaker ro mismong Regional Director it Department of Tourism (DOT) nga si Christine Manzenares.

Ginkalipay man kara ro positibong reaksyon it mga opisyal nga nagtambong sa assembly.