KALIBO, Aklan–Naging madinaeag-on ro ginpatigayun nga tatlong adlaw nga Professional Regulation Commision ukon PRC mobile service sa banwa it Kalibo nga nag-umpisa ko Enero 26 hasta 28, 2023.
Suno kay John Marden Maigue it Public Employment Service Office ukon PESO manager it LGU Kalibo nga sa ikaywang adlaw pa eamang hay naabot eon nanda ro target nga 1,000 ka mga transaksyon.
Raya hay matapos nga makalista sanda it masobra 500 sa unang adlaw ag 800 transaction sa ikaywang adlaw.
Ro nasambit nga PRC mobile service hay bukas para sa tanan nga Aklanon.
Pila sa mga serbisyo nga gintanyag it ahensya hay ro application for licensure examination; initial registration; renewal ag duplicate of professional indentification cards; processing of petitions; certifications ag authentication.
Samtang, aminado man si Maigue nga naging mabahoe nga hangkat kanda nga ma-akomodar ro tanan nga transaksyon bangud limitado eamang ro andang kapasidad.
