KALIBO, Aklan—Ginapaimbestigahan eon it Municipal Agiculture Office it lokal nga gobyerno it Kalibo kon sin-o ro posibleng sa likod it bukon it tama nga pagpilak it patay nga orok nga nakit-an sa irigasyon nga sakop it Brgy. Estancia, Kalibo.
Suno kay Municipal Agriculturist Officer Uriel Las Piñas, nga bukon it eksakto ro ginhimo it kon sin-o man nga hog raiser nga ginpilak ro namatay nga orok sa water sources.
Sa makaron suno kana hay an-om ka barangay sa banwa ro may kaso it African Swine Fever ukon ASF virus nga ginakaeakipan it Caano, Pook, Poblacion, Mabilo, Briones ag Bakhaw Norte.
Mag-eowas kara, may naaprehend man sa quarantine border checkpoint nga kapin sa 20 kilos nga karne it baboy nga ginabyahe kunta gamit ro sangka tricycle apang uwa it ginapakita nga nagakaigong dokumento rason nga ginkumpiska raya, ginsunog ag gin-impound ro behikulo.
Angot kara, nag-apela imaw sa publiko nga ro mga namatay nga sapat hay inde gid ipilak sa mga water sources bangud nga posibleng macontaminate kara ro mga bubon nga maeapit sa baylo hay ieobong eon lang para sa kaeowasan it ikaayong eawas it tanan.
