KALIBO, Aklan–Natigayon eon nga ginlimpyuhan it barangay council ro ginreklamo nga mga ginpakalhit nga mga kahoy, plastic container ag mga mabahoe nga tipak it bato sa karsadahon nga sakop it diversion road sa parte it Baluga Hills sa banwa it Tangalan.
Suno kay P/Chief Master Sergeant Sheryl Teodosio it Tangalan Municipal Police Station base sa andang pag-usisa, ginpahayag it pilang barangay tanod sa lugar nga ro insidente hay posibleng tuga it ginhimo nga pagmalit it pilang mga pamatan-on nga posibleng naka-inom it aeak.
Nagapati man sanda nga umaeagi ro nag-obra kara bangud nga owa man it masyadong residente sa lugar.
Madumduman nga nauna eon nga nagreklamo ag nag post sa social media ro pilang mga riders nga nakataeupangod sa mga nakabalandra nga kahoy, mabahoe nga plastic container ag mga mabahoe nga bato nga makabig nga takaw-aksidente.
Ro nasambit nga daean suno kana hay short cut paagto it Tagas ukon Jawili.
Makabig sigon nga isolated case ro insidente ag kauna-unahan nga natabu sa lugar.
