KALIBO, Aklan—Nakataeana eun nga magabukas sa adlaw it Lunes, petsa 8 it Nobyembre ro gintukod nga bueangan para sa ‘online sabong’ sa pilang ka mga kabanwahanan sa bilog nga probisya it Aklan.
Suno kay former Banga Mayor Antonio Maming nga maga-umpisa alas-8 it agahon hasta alas-8 it gabi-e ro magiging operasyon it nasambit nga bueangan.
May kabilugang 355 nga buhi ro matabo kada adlaw.
Nasayuran nga sa banwa it banga hay nahamtang ro andang bueangan sa dating farm ni Former Mayor Antong.
Samtang may una man sa banwa it Nabas ag Numancia.
Ginpabugae pa kara nga pinakamanami ro andang ginpaubra nga bueangan sa banga bangud nga naka-aircon raya ag may 70 inches nga TV.
Puwedi rayang makabatun it kapin sa 150 ka mga tawo nga makasueod.
Samtang owa man it pagabayaran ro mga gustong magsueod bangud raya hay libre eamang sa tanan nga gustong magpamueangan.
