Naibaligya sa haega nga P1.3-milyon ro electric guitar nga pirmado it Eraserheads members.
Ro kulay green nga D&D guitar hay personal nga gindisenyo ni Parokya ni Edgar guitarist Gab Chee Kee.
Ginhimo it bandang Parokya ni Edgar ro online bidding it nasambitang gitara para makabulig sa pagpabueong it andang gitarista nga si Gab presenteng sa ospital makaron bangud sa sangka klase it cancer.
Nagtapos ro bidding ko Pebrero 14 kon sa siin nakabueo it ulihing bidding nga P1.3-M hay si Bryan Beran it Circus Music Festival.
Ginpakigbahin it Parokya ni Edgar ro litrato kon sa siin ginbayaran ni Beran ro gitara direkta sa ospital kon sa siin naka-confine si Gab.
Madumdumang nagpatigayon it nagkaeain-eain nga benefit show ag concert ro banda para makatipon it pondo para sa pagpabueong it andang gitarista.
