Kapin sa 50 porsiyento ro gin-naba it krimen sa bilog nga nasyon sa nagtaliwan nga masobra sa limang dag-on sa administrasyon ni Pangueong Duterte.
Raya ro gin-report it Department of the Interior and Local Government (DILG) pinaagi kay Undersecretary Epimaco Densing III.
Base sa rekord ro numero it mga krimen nga nailista sa nasambit nga tiempo hay kapin sa 1.35 milyon nga katunga eamang sa 2.7 milyong krimen nga nailista umpisa 2010 hasta 2015.
Nakikitang nagapangunang rason kara hay ro ginlunsar nga maeapnagon nga drug on war it Duterte administration.
Kat magpungko si Pangueong Duterte, ginpromisa nana nga paga-ubuson nana ro sindikato it droga?
May mabahoe guid man nga konek ro mga raya bangud nga kaabuan sa mga nagakatabu nga makangieidlis nga mga krimen hay himo it mga tawo nga adik sa ginabawae nga droga.
Rason nga kon matapna ro illegal drugs, mabahoe ro maibulig kara agud nga mapanaba ro krimen sa nasyon.
Indi maitago nga dating naging tambayan ro nasyon it mga mabahoe nga drug lords.
Kaeabanan pa ngani nga iya nagapatindog it mga drug laboratory ro mga raya.
Pila sa atong mga kaepit nga nasyon, grabe ro penalidad sa mga eakot sa droga kun sa siin may andang death penalty.
Rason nga kaabuan sa mga mabahoe nga sindikato hay iya nagapatindog it andang mga illegal drugs trade.
Makaron nga patapos eon ro termino ni Pangueong Duterte, mabaskog man ro panawagan it kaabuan sa masunod nga administrasyon nga padayunon ro naumpisahan nga away kontra sa droga it gobyerno.
Kon indi man eubusan nga matapna ag matapos, maskin paalin hay makabulig raya agud nga mabawasan ro operasyon it mga sindikato.
