International News——Eagpas sa 6.23 milyon eon ro kabiluganng numero it mga namatay nga mga COVID-19 patient sa bilog nga kalibutan.
Sandig sa ulihi nga datus, sumaka eon sa kabilugang 6,253,580 ro mga namatay maghalin sa nagakaeain-eain nga nasyon bangud sa makataeapon nga masakit.
Nagapanguna gihapon ro Estados Unidos sa may maabu nga nailistang namatay bangud sa COVID-19 nga nag-abot eon sa kapin sa 1,019,774.
Nagapangaywa man ro Brazil nga may 663,165.
Kapin sa 523,693 man ro death toll sa India samtang 375,400 ro nalista nga namatay sa Russia.
Samtang, nagaguwa man sa pinaka-ulihing datus nga sumaka eon sa kabilugang 511,583,935 ro tinamaan it nasambitan nga masakit sa nagakaeain-eain nga nasyon.
Kapin sa 465,262,144 man ro total recoveries it COVID-19 pandemic sa bilog nga kalibutan.
