Ginahueat it Sugar Regulatory Administration (SRA) ro go signal ni Pangueong Ferdinand Marcos para sa plano kara nga mag-import it 440,000 metriko toneladang asukar.
Si Pangueong Marcos ro nagapungko makaron nga chairman it SRA Board sa anang kapasidad bilang sekretaryo it Department of Agriculture.
Suno kay SRA Board member Pablo Azcona, si Senior Agriculture Undersecretary Domingo Panganiban ro nagatindog nga representante ni Pangueong MArcos sa Board.
Sa pag-abot man sa nasyon it 440,000 metric tons it imported sugar, ginpahayag it SRA Board official nga ro unang 100,000 metric tons hay nakataeanang mag abot sa mas madali nga tiempo.
Ro rason man it SRA sa pag-import it asukar hay tuga it ginaeauman it ahensiya nga ro local demand para sa asukar hay magasobra sa ginaeauman nga produksyon makaron nga dag-on.
Tuyo man it pag-import nga mabaeabagan ro pagtaas it presyo halin sa supply-demand shocks.
Suno kay Azcona target nanda nga mapanaba ro retail price it asukar sa P85 pesos kada kilo.
