Kasunod it mga report nga data breach sa pilang government agencies, ginpasiguro it Department of Information and Communications Technology (DICT) nga owa it hacking incident.
Ginpamalibaran man it ahensya ro report it massive data breach.
Raya hay angot sa ginakabaeak-an it publiko nga gina-alegar nga leak it masobra sa 1.2 million records it mga empleyado ag aplikante it nagkaeain-eain nga institusyon.
Suno sa DICT, nagresulta ro misconfiguration para maging accessible ro pilang impormasyon sa publiko, apang bukon sigon raya it paghana nga eabagon ro security protocols it sangka partikular nga ahensya it gobyerno.
Natumod eon man it mga awtoridad ro posibleng source it leak, apang owa eon raya gindetalye pa bangud sa nagapadayun nga imbestigasyon.
Nasayuran man naton nga ro pagka-expose it mga personal nga impormasyon hay pwedeng magamit para sa criminal activities ag mga kaeakip nga security risks.
Maskin hambaeon nga owa it hacking, dapat nga maging mas madahan ag mautak ro gobyerno kontra sa mga hackers.
Anuman ro matabu nga bukon it normal, dapat naton nga isipon nga posibleng may problema ukon magkaproblema.
