Ginpasiguro ni Pangueong Ferdinand Marcos Jr., nga ginahimuan eon it pamaagi it gobyerno para masolusyunan ro problema sa kakueangan it suplay it kuryente sa Palawan.
Sa anang diskurso sa pagpanupod it presidential asssistance sa Puerto Princesa, ginpahayag it presidente nga may ginahimo eon nga mga tikang ro gobyerno para masolusyunan ro problema.
Partikular nga ginsambit nana ro Maharlika Investment Corporation, National Electrification Administration ag Palawan Electric Cooperative nga nagahimo it pag-istudyo para mapamayad ro supply it kuryente sa probinsya.
Maskin uwa gindetalye, nagaeaum si Pangueong Marcos Jr. nga makaangkon it positibong bunga sa mga kasugtanan nga ginasueod it mga ahensya.
Nauna eon nga gin-anunsyo ni Maharlika Investment Corporation President and CEO Rafael Consing Jr. nga magainvest sanda sa renewable energy kapin eon sa transmission lines sa island provinces kon sa siin ro maintok nga kooperatiba hay uwa nakakabit sa main grid.
Raya hay para mabuligan ro mga lugar nga makaangkon it bastante nga supply it kuryente ag mapanaba ro presyo kara.
