KALIBO, Aklan—Bangud sa padayun nga pagtinaas it kaso it Coronavirus Disease ukon COVID-19, nagpatuman it hugot nga pagsinueondan ro gobyerno sa nasyon nga Hong Kong.
Suno kay Bombo International Correspondent Marylou Borra it Hong Kong nga sa makarun hay ginamduan eun it gobyerno sa nasambitan nga nasyon ro tanan nga mga kapulisan nga magbantay sa mga pampublikong lugar.
Sambilog sa mga striktong ginapatuman sigon makarun hay ro 1.5 meter nga distansiya sa kada isaea.
Ro madakpan nga naga-iping hay magabayad it kapin sa 10,000 HKD nga penalidad.
Sambilog sa ginapanaw-an nga rason it pagtinaas it kaso it covid-19 hay ro sobrang maeamig nga klima makarun idto.
Kamatuoran kara hay sangka Pinay OFW sigon sa andang kaiping nga baeay ro nagpositibo sa covid-19.
Bangud kara hay obligado man sanda nga magpaidaeum sa covid-19 testing.
Samtang, bangud nga limitado ro hueag it mga pomoeuyo hay maabo man sigon ro nagpanic buying ag ginakueang eun ro andang suplay it mga pagkaon.
