Kalibo Aklan —- Owa nakapangaman ro gobyerno it Italya rason nga lomobo pa sa 59,000 katawo ro mga nagpositibo sa 2019 coronavirus disease ukon COVID-19 pandemic ag masobra sa 5,400 eun ro mga namatay.
Suno kay Bombo International Correspondent Armie Esparcia-Delos Santos, may public transport gihapon sa Milan, Italy apang tatlo hasta it ap-at eamang ro pasahero rason nga sigidas ro pagtinaas it kaso it mga natamaan it COVID-19.
Halin kat gindeklara ro lockdown hay nagti-eip-eaag ro mga tawo kon sa siin nag-uli ro mga raya sa tagsa nanda ka mga lugar nga uwa it ginhimo nga pag quarantine sa andang kaugalingon rason nga mismong ro mga pamilya nanda ro direktang natamaan it virus.
Sa mga numero it namatay, kaeabanan sa mga raya hay nagaedad it 75 anyos pataas ag may mga komplikasyon nga sakit.
Ginakabaeak-an sigon it mga tawo sa lugar nga kon inde pa makontrol ro sitwasyon hay base madugangan pa it husto ro mga nagakamatay maskin nga ro Italya hay una sa advance medical system.
Sa makaron hay idto eon sa Italy ro mga health ag medical specialist halin sa China ag Cuba agud nga mag-ayuda sa mga health authorities it nasyon agud nga matapan eon ro pagtinaas it kaso it COVID sa nasambitan nga lugar.
