Ginkondena it gobyerno it kuwait ro brutal nga pagpatay sa overseas Filipino worker (OFW) nga si Julleebee Ranara.
Angot kara, nagpatigayon si Kuwait Foreign Affairs Minister Sheikh Salem Abdullah Al-Jaber Al-Sabah it pagpueong kaibahan si Philippine Chargé d’Affaires Jose Cabrera III sa anang taeatapan para magpaabot it pakikisimpatiya sa gobyerno it Pilipinas ag sa pamilya ni Ranara.
Nagpromisa man raya nga pagapasabton ro 17 anyos nga suspek sa pagpatay kay Ranara.
Apang, gin-insister kara nga owa nagarepsenta sa karakter ag values it lipunan maging sa pumueuyo ag gobyerno it Kuwait ro naging aksyon it onga it Kuwaiti employer nga suspek.
Ginpasiguro man it Philippine Embassy nga magatao ro Kuwaiti government ut tanan nga nagakaigong bulig samtang padayon nga ginamonitor ro kaso.
Samtang, nagpasaeamat man si Cabrera sa madasig nga pagsabat it Kuwaiti government sa insidente.
