Suportado it lokal nga gobyerno it malay ro Filipino Brand of Service Excellence program it Department of Tourism para sa tanan nga mga accommodation establishments sa isla it Boracay.
Suno kay Felix Delos Santos it Malay tourism office nga nagpaguwa it executive order para kara si Malay Mayor Frolibar Bautista.
Ginamanduan kara ro tanan nga tourism frontliners ag service providers sa isla nga magpaidaum sa training angot sa nasambit nga programa.
Tuyo kara nga makaangkon it uniform nga greetings, serbisyo ag pagtratar sa mga turista nga may reklamo .
Handum it DoT nga mas pang mapabaskog ro pagiging unique it hospitality it mga pinoy nga iga-apply it mga frontliners ag service sectors sa industriya it turismo.
Mabahoe nga bulig sigon ro training agud nga mas pang mapa-improve ro kalidad it tourism services.
Samtang, gindugang pa ni delos santos nga mandatory makaron sa isla ro pagpatigayon it Mabuhay gesture sa tanan nga mga guest agud nga mabatyagan sigon it mga turista ro mainit nga pag-welcome kanda ag mas pang mapabaskog ro andang interes nga uman nga magabalik sa Boracay.
Target it training program ro haeos 100,000 nga tourism workers hasta sa 2024 kun sa siin naumpisahan eon raya it mga frontliners ag service providers sa isla
