Maabu pang mga ospyon ro gobyerno para mapondohan ro big-ticket railway projects.
Raya hay matapos nga mag-atras ro China nga pondohan ro nasambit nga proyekto.
Suno kay House Ways and Means Chair ag Albay 2nd District Representative Joey Salceda nga indi eon kinahangean pang i- persuade ro China para buligan ro nasyon apang maga-usoy lang sigon it ibang “funders” nga magapondo sa proyekto.
Dugang pa ni Salceda, ro nasyong Japan ro nagtao it mga tren para sa bag-ong North-South Commuter Railway Project rason nga nagapati raya nga ro Japan ro maga-take over sa pagpondo sa proyekto nga gin-atrasan it China.
Gin-insister man it mamalidha nga ro pag-umwad it nasyong Pilipinas hay indi dapat pag-gamiton bilang diplomatic leverage sa mga ginaeauman nga amego.
Pagatestingan sigon nana ro masarangan kaibahan si Secretary Jaime Bautista kung alin nga nasyon ro haum nga maga-ilis sa China.
Sa pihak nga parte, bukon eang sigon it China ro interesado nga pagapondohan ro mga proyekto it tren sa nasyon kapareho eamang sigon it nasyong Singapore nga nagapaguwa gid it mabahoe nga haega para sa pribadong sektor sa Pilipinas.
Samtang, dugang pa ni Salceda nga ro South Korea gay nagtao man it maabu nga bulig ag foreign grants sa nasyon.
