Uman nga maga-utang ro gobyerno sa World Bank it 178.1 million US dollars agud nga masabat ro padayun nga pagtaas it stunted growth ukon mga pamatan-on nga Pilipino nga putot.
Tuyo kara nga pabaskugon ro mga tikang agud nga mabawasan ro kaso it stunted growth sa nasyon sa bulig it Department of Health (DOH) ag Department of Social Welfare and Development (DSWD).
Nakataeanang pagadesisyunan it World Bank ro pag-apruba it ulihing utang it Duterte administration sa June 22.
Base sa datos it Department of Science and Technology (DOST), kapin sa 30.8% ro pagkalhit it child stunting sa nasyon ko 2018 samtang base sa datos it World Bank hay kapin sa 29% ko 2019.
Nagatuhaw nga sambilog sa kada tatlong unga nga Pilipino nga naga edad lima panaba hay may pagka-bansot ukon putot.
Ginpahayag man it World Bank nga panglima ro Pilipinas sa bilog nga East Asia ag Pacific Region nga may pinakamataas nga pagkalhit it pagka-putot ag kaibahan sa 10 nga nasyon sa bilog nga kalibutan nga may pinakamataas nga numero it putot nga unga.
