KALIBO, Aklan—Kaunod it pagselerbar it National Disability Prevention and Rehabilitation Week, uman nga gintaw-an it punto ni Sangguniang Panlalawigan member Jay Tejada ro mga prebilihiyo nga ginatao it gobyerno para sa mga Person’s with Disabilities ukon PWD’s.
Ginpasiguro man kara nga nagapabilin nga bukas ro opisina it Provincial Disability Affairs Office ukon PDAO-Aklan ag ro mga Municipal Disability Affairs Office engkasong gustong mag-avail it sangka PWD sa mga programa nga gina-eatag para kanda kapareho eamang it medical assistance, edukasyon, ag maabo pang iba.
Kung maka-avail dapat eamang nga magpakita it identification card (ID) ag medical certificate nga nagapamatuod nga raya hay sangka PWD.
Samtang, gin-engganyo man ni SP Tejada ro mga Barangay association it PWD’s , BHERT’s ag barangay health team nga magpatigayon it household visitation ag i-profile kung sin- o sa andang barangay ro may disability agud nga ma-isyuhan it disability card.
Dapat man nga permado raya it Mayor ag municipal health doctor ukon doctor agud nga masiguro nga raya hay matood nga may kapansanan ag indi ma-abuso ro pag-avail it disability card agud nga makaangkon eamang it discount sa mga grocery stores ag public transport.
