Gobyerno, may una eon nga contingency plan angot sa posibleng epekto it kinagamo sa tunga it Russia ag Ukraine

KALIBO, Aklan—May ginapahaum eon nga contingency plan ro gobyerno bilang sabat sa epekto sa ekonomiya, trading ag human resources it kinagamo sa tunga it Russia ag Ukraine

Ginpasiguro ni Acting spokesperson Karlo Nograles sa ginpatawag nga pueong ni Pangueong Rodrigo Duterte, nga haum ro pwersa it Armed Forces of the Philipinese (AFP) ag Philippine National Police (PNP).

Gin-aprubahan man it Pangueo ro rekomendasyon it economic team it gobyerno angot sa pagpabaskog it domestic economy ah local food production it nasyon.

Ro Pilipinas hay kaibahan it bilog nga kalibutan sa pagpangamuyo nga makaangkon eon it matawhay nga resolusyon sa tunga it Russia ag Ukraine sa mas madali nga tyempo.