Nag-umpisa eon ro gobyerno probinsyal sa pagpamakae it paeay it mga mangunguma.
Raya hay kasunod man it peak season it tig-aeani makaron nga buean it Setyembre hasta it Oktobre.
Suno kay Salome David it Provincial Agriculturist Office, uwa sanda it limit sa pagpanaeawat it paeay it mga mangunguma sa balor nga P16 pesos ro eabtong ag P19 pesos ro oga.
Tuyo kara nga mabuligan ag masuportahan ro mga mangunguma nga inde sanda pagbaraton it mga buyers.
Apang, panugyan ni David nga kon mas mataas ro pamaeak-an sa mga kabaryuhan kaysa sa andang ginatanyag nga presyo hay uwa sigon kanda it problema.
Ro importante hay mabakae sa eksakto nga presyo ro ani nga paeay it mangunguma ag inde man ro mga raya malugi sa andang ginastos.
Ginpahayag dugang ni David nga ro andang mga gindaeawat nga paeay hay una mismo naka-stock sa Aklan grain center sa Brgy. Nalook ag nakataeana raya nga ipagaling kon siin ro bugas hay anda man nga ibaligya.
