Uwa it pagahueagon nga kwarta ro gobyerno sa pagsaayos it kontrobersiyal nga rampa para kunta sa person with disabilities sa may EDSA Busway ag sa dugang nga wheelchar lift sa Quezon City.
Suno kay Metropolitan Manila Development Authority (MMDA) chairman Romando Artes, pagasabton it mga kontraktor it nasambit nga proyekto ro tanan nga gastuson para sa pagahimuon nga mga pagsaayos nga gin-umpisahan eon nga trabahuon.
Ginaeauman nga makumpleto ro kabilugang improvements sa nasambit nga rampa sa sueod it daywang buean.
Madumduman nga naging kontrobersiyal ag nag-viral online matapos nag-angkon it batikos ro mga ginbuoe nga litrato ag videos sa nasambit nga rampa sa may EDSA Busway Phil-am station nga nakataeana kunta para sa persons with disabilities (PWDs) bangud sa mataas ag madanlog nga delikado para sa PWD’s nga magaagi.
