Ginabilog it ap-at nga mag’amigo nga sanday Ralph sa vocals, Jodel sa keyboard, Alvin sa drums ag Victor sa basisst ro bandang Gold Gilded Run, nga nag’umpisa halin pa ku 2016.
Pahayag ni Ralph Lorenz Tolentino leader it nasambitan nga grupo nga bangud nga mag’amigo sanda sayod eun nanda ro timpla it kada isaea ag bukon it malisod kanda nga magkasunod sa kun ano ro musika nga pilion.
Nagpangibabaw ro nasambitan nga banda sa ginhiwat nga Musikalye 2024 it Local Government Unit it Kalibo ku Hunyo 21.
Ginapili masami it grupo ro mga jazz nga kanta nga suno kana hay mahimo sautan it mga tawo.
Pakigbahin ni Tolentino nga uwa sanda sigon kunta it plano nga mag’intra sa kompetisyon apang daywang adlaw sigon bago ro schedule hay nagdesisyon ro bilog nga grupo ag sang adlaw bago ro performance hay karun eamang sanda nagpractice.
Pagsaysay man nana nga sanda hay mga negosyante, may mga pamilya ukon may ibang naubra ngani kun magpraktis hay diskarte eamang ro andang ginahimoo kun indi magkasanto ro andang mga schedules.
May tyempo man sigon nga nagamasakit sanda apang para kanda naduduea ruyon kun nagatukar ro grupo.
Mag’euwas sa nasambitan nga battle of the bands maabo eun man nga mga lugar sa Pilipinas ro gin’adtunan it Gold Gilded Run ag para mag’intra ag sanda man ro naging kampeon.
