Sa pihak nga naging lyamado ro Golden State Warriors kontra sa Boston Celtics sa umpisa pa eamang it game 1 it NBA finals sa best of seven champoinship series, napas-eawan gihapon sanda nga maangkon ro kadaeag-an sa mismong balwarte it koponan.
Sa suno sa sambilog sa mga basketball fanatics, naging over confidence ro Warriors bangud nga nagsalig ro mga raya nga batikan eon sa champoinship matapos nga nakabueo it tatlong tropeyo.
Apang, uwa sigon nagpabaya ro Celtics matapos nga ginbueo ro kahigayunan ag ginpabaskog ro andang koponan kasunod it pag-abanse it mga raya pag-abot sa third quarter.
Mas eabi pa sigon nga nagbaskog ro boot it mga players it Celtics rason nga ginhakwat nanda ro kada isaea paadto sa kadaeag-an.
Ginpakahuy-an it mga raya ro Warriors sa mismong lugar nanda.
