Ro gout hay kumplikadong sakit sa toe-an, nga may kaibahan nga gulpiyada ag grabeng pag-atake it sakit, pagpaeamuea ag pagtig-a it kasu-kasuan.
Naaapektuhan kara ro siki, buko-buko , tuhod, alima ag inumok apang kaeabanan nga naapektuhan ro kumaeagku sa siki.
Ro gout hay nabibilog kon mataas ro lebel it uric acid sa dugo.
Rason nga ro resulta kara hay ro pag-angkon it crystals nga matsa baeas nga nabibilog sa kasu-kasuan ukon palibot it tissue nga rason it pagsakit ag paghaeok.
Ro grabeng pag-atake it gout hay posibleng makapabugtaw sa katung-anan it inyong pagtueog nga matsa ginasunog ro kumaeagku.
Ro apektadong joint hay mainit, nagahaeok ag nagatig-a.
Ro rason it pag angkon it gout hay ro grabeng katambok , sobrang pag-inom it aeak, mataas nga blood pressure ag kolesterol, pag angkon it diabetes ag kun lahi raya it pamilya.
Ro gout hay pwedeng mabueong ag may pamaagi agud nga mabawasan ro peligro nga tuga it gout.
Ginarekomenda ro pag-inom it 8-16 tasa it liquid kada adlaw.
Mas mayad kun tubi ukon sopas ag bukon it matam-is nga ilimnon.
Likawan ro pag-inom it aeak.
Magkaon it kasarangan nga abu it protina, particular ro low-fat milk, tofu ukon tokwa, ag itlog.
Bukon it bawae ro baeatong ag tokwa sa gout.
Bawasan ro pagkaon it karne, isda ag manok sa 4 hasta 6 ounces eamang.
Ipabilin ro tamang timbang.
Magpakonsulta sa doktor kun gina-eagnat ag ro kasu-kasuan hay mainit ag haeok.
Basi senyales raya it impeksiyon.
