-- ADVERTISEMENT --
KALIBO, Aklan–Nagpagguwa it sangka Executive Order (EO) si Aklan Governor Jose Enrique Miraflores angot sa temporaryong pagbawae it pagpagguwa it karne it baboy agud nga ibiyahe sa ibang probinsya.
Tuyo kara nga makontrol ro daeagan it supply ag presyo it karne it baboy sa mga merkado publiko.
Raya hay kasunod it amat-amat eon pagnaba it supply it baboy sa Aklan bangud sa pagtama it African Swine Fever (ASF) infection sa mga kaiping nga probinsya sa Western Visayas.
Hugut man nga nagpanugyan ro gobernador sa mga pumueoyo nga likawan ro pagdaea it karne it baboy ag frozen meat products halin sa ibang lugar.
Kinahang-ean sigon ro dobleng pagdahan ag pagiging vigilante agud nga indi makasueod ro ASF virus.
-- ADVERTISEMENT --
