KALIBO, Aklan—Uman nga nagpanawagan si Aklan Governor Florencio Miraflores sa mga Aklanon kasunod it unang adlaw it vaccination rollout makarun nga adlaw it miyerkules, marso 10, nga ginpatigayon sa Gov. Augusto B. Legaspi Sports and Cultural Center, Kalibo.
Suno kay Gov. Miraflores nga dapat batunon it mga pomoeuyo ro ano man nga klase it bakuna nga magaabot sa probinsya.
Ro pagpanguna man it mga healthcare worker sa pagbatun it bakuna hay nagapakita nga raya hay euwas.
Suno pa sa gobernador hay magapaiway anay imaw sa pagbatun it bakuna bangud nga sanda ro una sa katapusan nga pagataw-an it prayoridad.
Nasayuran nga ro paga-unahon it pagbakuna hay ro mga health careworker it probinsya hasta sa Barangay.
Masunod man ro mga indigent senior citizen nga ginakabig nga vulnerable ag indi makasarang nga magbayad sa ospital kung magkasakit.
Sa makarun hay una eun suno pa kana sa siyudad it Iloilo ro AstraZeneca vaccine nga nakataeana man para sa mga frontline health care worker nga naga-edad it 60 anyos pataas.
Dugang pa kara nga pagaeauman eun umpisa sa masunod nga buean ro sigidas nga vaccination roll out sa probinsya.
