KALIBO, Aklan — Posibleng problema sa pamilya ro nakikitang kabangdanan it pagpakamatay it sangka empleyado it gobyerno sa sueod it andang panimaeay sa Makato, Aklan.
Ginkilaea ro biktimang si Manuel Timtiman III, 36, may asawa, empleyado it Provincial Treasurer’s Office nga nakadestino sa Caticlan jetty port.
Base sa report, nakita eon lang it andang kabulig sa baeay ro biktima nga nakabigti maeapit sa andang dirty kitchen ag uwa eon it kabuhi.
Nasayuran nga nag-aywan pa it “suicide note” ro biktima nga narekober sa kilid it anang bangkay kon siin nagpangayo raya it pasaylo sa anang ina nga sangka “bedridden” bangud sa inde eon kara masarangan ro mga nagakatabo.
Ro asawa it biktima hay nagatrabaho bilang nurse sa Ibajay District Hospital ag una sa anang pangalaga ro tatlo nandang onga.
