Naubos ro tubi sa sangka dam sa Chhattisgarh, India matapos ipa-drain it sangka government official bangud nga nahueog kara ro anang cell phone samtang nga naga-selfie!
Suno sa report, aksidenteng nahueog it food inspector nga si Rajesh Vishwas ro anang cell phone matapos mag-selfie samtang sa Kherkatta dam.
Nagpangayo imaw it bulig halin sa mga local divers apang owa na-retrieve ro anang cell phone, nagdesisyon raya nga gamiton ro anang impluwensya ag posisyon sa gobyerno para ipaubos ro tubi sa dam.
Inabot it tatlong adlaw antes nga eubusan nga na-drain ro dam.
Madinaeag-on nga nausoy ro cell phone ni Vishwas apang owa eon raya naga-gana.
Maabu ro nagbatikos sa ginhimo nga pag-uyang it tubi ni Vishwas.
Daywang milyong litro it tubi ro nauyang ag pwede kunta raya nga gamiton sa irigasyon sa 600 ektaryang bukid.
Suno kay Vishwas, may mga sensitibong government data nga sueod ro anang cell phone rason nga kinahangean nana raya nga mabo-oe sa idaeum it dam.
Bangud nga may nagpasaka it reklamo kontra kana, gindesisyunan it lokal nga gobyerno it Chhattisgarh nga suspindihon si Vishwas sa anang posisyon.