Sa padayun ag dueueungan nga pagtaas it presyo it mga baeak-eon ag serbisyo, ginakabaeak-an ro mas grabe ag maeapnagon nga pagkagutom.
Suno sa National Nutrition Council, maabung pamilya ro magutom bangud sa non-stop price hike sa mga pagkaon.
Posible man sigon raya nga magresulta sa “poor nutrition” sa mga pamilya, eabi eon sa mga inunga.
Base sa hunger incidence surveys, masobra sa 3 milyong pamilya ro nakaexperiensiya it gutom sa unang mga buean it dag-on tuga it COVID-19 pandemic.
Sa makarondaya nga kahigayunan , mas kinahangean nga magbueuligan ro tanan.
Dapat maagapan ro paeag nga mas grabeng gutom.
Bilang pumueuyu, mas pa naton nga pamayaron ro diskarte sa pag-budget ag pagpili it mga pagkaon nga barato ag masustansya.
Kun may bisyo, punduhon eon.
Mas dapat nga itaeana ro kwarta sa nagapangunang kinahangeanon ag bukon sa maeain nga hilimuon ag maglikaw man sa mga luho.
Sa atong gobyerno, dapat nga mas pang makipag-angot sa sektor it agrikultura ag magtau it mas maabung programang pangabuhian ag trabaho agud nga masuk-ean ro ginahambae nga hunger incidence.
Maga-ililiba kita nga likawan ro pagkagutom ag tiempo eon agud nga ibangon ro atong nasyon halin sa raya nga pandemya .
