Nakuhit it sangka grade 5 student it Gibon Elementary School ro 1st place sa ginhiwat nga Regional School Press Conference (RSPC).
Suno kay Nelie Dayon, National School Press Conference qualifier (NSPC) coach, uwa sanda naga-ekspektar nga makuhit ro nasambit nga kadungganan bangud ro anda eamang nga ginpangamuyo hay ro makasueod sa top 10.
Nakuhit ni Bernard Rubino ro 1st place sa kategorya it Science ang Technology Writing (Filipino) kun sa siin imaw ro maga-representa sa bilog nga Region 6 sa NSPC sa maabot nga buean it Abril sa Ormoc, City.
Paathag ni Dayon, raya ro kauna-unahang pag-intra ni Bernard sa nasambit nga kompetisyon. Uwa man sigon imaw nalisdan nga tur-an ro anang mga partisipante bangud nga anad raya sa lenggwaheng Pilipino.
Dugang pa nana, tuyo it Science and Technology Writing nga mag-tao it impormasyon, entertainment, ideya, ag mag-tao it inspirasyon sa mga manug-basa.
Magkahalong emosyon man sigon ro andang nabatyagan kat oras eon it awarding kun sa siin na-realized man nana bilang coach nga mas pang nagdoble ro pressure bangud nga nagdugang ro responsibilidad nga mas pang mapa-nami ag ma enhance ro kapasidad it anang contestant.
