Naangkon ni Chrisia Mae Tajarros halin sa Rehiyon 8 ukon Eastern Visayas ro kauna-unahan nga bueawan nga medalya sa Palarong Pambansa 2025 sa secondary girls’ 3,000m run.
Suno kay Chrisia Mae, sa pihak it kabudlay ag gaoy nga anang naeksperyensyahan sa tiempo it anang training, raya hay ginbuslan it kadaeag-an.
Suno kana, nag-umpisa imaw sa training sa athletics ko Grade 1 pa eang imaw.
Ginpaathag nana nga ro anang orihinal nga sport hay ro swimming apang raya hay nagsaylo sa athletics.
Ginpasaeamatan man ni Chrisia ro Diyos sa anang panibag-ong kadaeag-an ag gin-ako nana nga mabudlay ro training apang ginhimo nana ro kutob sa anang masarangan agud maabot ro anang ginahandum nga medalya.
Si Tajarros hay sangka Grade 9 Student sa Tanauan National High School sa Leyte kun sa siin nakabo-oe imaw it silver medal sa Cebu City ko nagtaliwan nga dag-on.
Suno sa coach ni Chrisia nga si Mr. Damaso Olidan Jr., kaeabanan nga naga-umpisa ro andang training alas 7:00 it agahon hasta alas 12:00 it udtro adlaw.
