KALIBO, Aklan—Ginpaabot it Department of Education ukon DepEd Aklan ro schedule it petsa para sa mga pagahiwaton nga graduation ag moving up ceremonies it mga estudyante sa mga pampublikong eskwelahan.
Suno kay Dr. Miguel Mac Aposin, Schools Division Superintendent it DepEd Aklan nga raya hay base memorandum order 027 ni Education Secretary Leonor Briones kun sa siin nagpaguwa man imaw it division memorandum 132.
Ro mga kindergarten, Grade 6, 10, ag 12 hay pwedeng magpatigayon it end-of-school-year rites sa July 12 hasta 16, pilang adlaw matapos ro pagtakop it school year sa Hulyo 10.
Samtang, nakadepende sa mga pribadong eskwelahan ro pagtaeana it schedule sandig sa andang school calendars.
Ro tema sigon makaron nga dag-on it graduation ag moving up rites hay “Strengthening the Quality of Education Amid the COVID-19 Pandemic.”
Apang nagpanindugan ro DepEd nga owa it matabu nga anuman nga “ face-to-face ceremony” bilang pagsunod sa guidelines makaron nga nagapangatubang ro nasyon sa COVID-19 pandemic.
Sa baylo hay magapatigayon eon lang ro mga eskwelahan it virtual rites nga iga-broadcast live pinaagi sa mga social media platforms.
Apang limitado man gihapon ro mga participants.
