KALIBO, Aklan–Humakot it masobra 7 million views ro viral video it sangka tatlong dag-on nga ungang eaeaki matapos ro ginpakita kara nga performance sa andang graduation ko Hulyo 5.
Suno kay Jeddah Mae Selidio, nanay it nagviral nga unga nga owa nana ginaeauman nga makahakot it minilyon nga views, maabu nga reaksyon ag share ro anang gin-upload nga video.
Makit-an sa video nga nakasuksok it uniforme it pulis ro anang unga para sa kategoryang community helpers.
Takaw-atensyon sa mga netizen ro pag-ganap ni baby Uno bilang sangka astig nga police officer.
Bilang ina hay super proud sigon imaw sa anang unga eabi pa nagtao eagi raya it mabahoe nga kadungganan sa bata pa eang nga edad.
Ginpahayag dugang nga raya sigon ro gustong maging profession ni baby Uno sa anang pagbahoe.
