KALIBO, Aklan—Una eun sa paghinakop it Explosive Ordnance Disposal (EOD) ro sangka rifle grenade nga nakit-an sa baybayon nga sakop it Bara ngay Yapak sa Isla it Boracay.
Suno kay P/capt. Hermeniano Abenez it Provincial exclusive K9 Unit it Malay PNP nga ro nasambitang rifle grenade hay napoeot kahapon it sangka beach cleaner nga si Roy Carpiano Echague, 25 anyos ag residente it Balabag, Boracay samtang nagalipmyo sa Cove 3 it New Coast.
Ginpahayag dugang nga posibleng naanod eamang it humbak ro nasambitang bagay paadto sa isla.
Sa mayad nga swerte ag owa man raya ginbuytan it mga residente.
Samtang ginlaygayan man kara ro publiko nga kung makakita it kahina-hinalang bagay hay indi raya pagbuytan ag insigidang magreport sa maeapit nga police station sa andang lugar.
Sa makarun ro nasambitang rifle grenade hay gindaea eun sa Police Precinct 3 sa Yapak, para sa proper disposal.
