Igapatigon eon sa July 31 ro grand coronation night it Binibining Pilipinas 2022.
Ro 58th grand coronation night it nasambit nga pageant hay igapatigayon sa Smart Araneta Coliseum.
Samtang, naging busy man ro mga kandidata it Binibining Pilipinas sa nagakaeain-eain nga event nga may kaangtanan sa pageant.
Nagpatigayon man it talent competition ro mga delegado ku nagtaliwan nga Hunyo 23, ag sa makaron hay nakataeana man nga magpartisipar sa national costume fashion show sa nagahilapit nga Hulyo 16.
Samtang,Ap-at nga titueo man ro ginapag-agawan it mga kandidata para sa pageant makaron nga dag-on raya hay ginakaeakipan it : Bb. Pilipinas International, Bb. Pilipinas Intercontinental, Bb. Pilipinas Globe ag Bb. Pilipinas Grand International.
Sa pihak nga parteg, ro nasambit nga mga korona hay presenteng buyot nanday Hannah Arnold, Cinderella Obeñita, Maureen Montagne ag Samantha Panlilio.
